பங்குத் தந்தையின் பிரியாவிடை நிகழ்வும் புதிய பங்கு தந்தையின் வரவேற்பு நிகழ்வும் நேற்று(19.06.2022) நடைபெற்றது.
பிரசுரிக்கபட்ட திகதி: 20/06/2022
மாதகல் பங்கில் 30 மாத காலமாக பணியாற்றி பணியிடம் மாற்றலாகிச் செல்லும் அருட்பணி கு. யேசுதாஸ் அன்ரனிபாலா அடிகளாரின் பிரியாவிடை நிகழ்வும் புதிதாக மாதகல் பங்கிற்கு வருகைதந்த அருட்பணி றோய் பேடினன்ட் அடிகளாரின் வரவேற்பு நிகழ்வும் மாதகல் புனித தோமையார் ஆலயத்தில் நேற்று(19.06.2022) நடைபெற்றது.
புனித வேளாங்கண்ணி சொரூபத்திலிருந்து புனித தோமையார் முன்பள்ளி சிறார்களின் பான்ட் வாத்திய இசை முழங்க தோமையார் ஆலயத்திற்கு அழைத்து வரப்பட்டனர்.
பின்னர் முன்னாள் பங்குத்தந்தை மற்றும் புதிய பங்குத்தந்தையினரால் திருப்பலி ஒப்புக்கொடுக்கப்பட்டு முன்னாள் பங்குத்தந்தையினால் புதிய பங்குத்தந்தையிடம் மாதகல் பங்கின் பொறுப்புகள் ஒப்படைக்கப்பட்டது.
திருப்பலியின் பின்னர் புனித தோமையார் ஆலயம் மக்களினால் முன்னாள் பங்குத்தந்தைக்கு பிரியாவிடை நிகழ்வு நடாத்தப்பட்டது.
