சண்டிலிப்பாய் பிரதேச செயலக J/150 மாதகல் கிழக்கு கிராம சேவையாளர் திரு. பா. ஜேம்ஸ் பொப்ளர் அவர்களை கௌரவிக்கும் விழா நடைபெற்றது
பிரசுரிக்கபட்ட திகதி: 26/12/2021
நாடளாவிய ரீதியில் நடைபெற்ற அலுவலக முகாமைத்துவ போட்டியில் சண்டிலிப்பாய் பிரதேச செயலாளர் பிரிவில் மாதகல் கிழக்கு(J/150) கிராம சேவையாளர் திரு. பா. ஜேம்ஸ் பொப்ளர்அவர்கள் முதலாம் இடம் பெற்றமையை பாராட்டி கௌரவிக்கும் விழா 26.12.2021 (ஞாயிற்றுக்கிழமை) பி.ப 4.00 மணியளவில் மாதகல் சித்தி விநாயகர் முன்பள்ளியில் நடைபெற்றது.
இதற்கு முன்னாள் கோட்டக்கல்வி அதிகாரியும் மாதகல் கிழக்கு கிராம அபிவிருத்திச் சங்க தலைவருமான திரு. வி. சிற்றம்பலம் அவர்கள் தலைமை தாங்கினார்.
இந்நிகழ்வில் மாதகல் கிராமமட்ட அமைப்புகளின் பிரமுகர்கள், பிரதேச சபை உறுப்பினர்கள் மற்றும் பொதுமக்கள் எனப்பலரும் கலந்து கொண்டு கிராம சேவையாளர் அவர்கட்கு பாராட்டுரைகள் வழங்கி மாலைகள் அணிவித்து பொண்ணாடை போர்த்தி பதக்கம் அணிவித்து நினைவுச் சின்னம் வழங்கி கெளரவித்தனர்.
இந் நிகழ்விற்கு எம்மாதகல் மண்ணின் மைந்தனும் புலம்பெயர்ந்து ஜேர்மனி நாட்டில் வசிப்பவருமாகிய திரு. பூபாலசிங்கம் அன்பழகன் அவர்கள் அனுசரனை வழங்கினார்.
நாடளாவிய ரீதியில் நடைபெற்ற இப்போட்டியில் சண்டிலிப்பாய் பிரதேச செயலாளர் பிரிவில் முதலாம் இடம் பெற்ற எம் மாதகல் கிழக்கு(J/150) கிராம சேவையாளர் திரு. பா. ஜேம்ஸ் பொப்ளர் அவர்களை மாதகல்.கொம் சார்பாக பாராட்டி வாழ்த்துவதோடு இவரது பணி மென்மேலும் சிறக்க இறையாசீர் வேண்டிநிற்கின்றோம்.
