14ம் ஆண்டில் காலடி பதிக்கும் மாதகல்.கொம் இணையத்தளத்திற்கு ஆசீர்ச் செய்தி அருட்பணி. கு.யே.அன்ரனிபாலா (பங்குத்தந்தை மாதகல்)
பிரசுரிக்கபட்ட திகதி: 11/12/2021
14ம் ஆண்டில் காலடி பதிக்கும் மாதகல்.கொம் இணையத்தளத்திற்கு ஆசீர்ச் செய்தி
எதிர்வரும் 15-12-2021 இல் தனது தொடக்கத்தின் 13ஆவது ஆண்டை நிறைவு செய்யும் “மாதகல்.கொம்” எனும் இணையத்தளச் சேவைக்கு மாதகல் பங்குத்தந்தை ஆகிய நான் ஆசிச்செய்தி வழங்குவதில் மகிழ்வடைகின்றேன்.
பத்திரிகை ஊடகங்களும், இலத்திரனியல் ஊடகங்களும் மனித தொடர்பாடலில் இன்றைய காலத்தில் முக்கிய பங்கு வகிக்கின்றன. பல ஊடகங்கள் மனித மாண்பை, மனித பண்பாட்டைச் சிதைப்பனவாகவே உள்ளன. சில ஊடகங்கள் மட்டுமே மனித பண்பாட்டைப் பத்திரிகா தர்மத்தின் வழி நின்று பேணி வளர்க்கின்றன. இன்றும் கூட பல பயனாளிகள் அன்னம் போன்று இருக்கவே விரும்புகின்றனர். ஆயினும் இரசாயன உணவுகளால் பலவீனமாகிவிட்ட தற்கால மனித வளர்ச்சிகளைக் கண்டு பிடித்துத் தீனி போட்டு இலாபம் உழைக்கவே இன்றைய தயாரிப்பாளர்கள் விரும்புகின்றனர். இவ்விதமாக சுயநலத்தோடு சிந்திக்காமல் அறிவார்ந்த ஆன்மீக ரீதியான மதிப்பீடுகளை வளர்க்க ஊடகங்கள் முன்வரவேண்டும்.
அவ்வாறு இவ் இணையத்தளம் மனித மனங்களை பண்படுத்த ஆசீர்வதிக்கின்றேன்.
