யா/மாதகல் சென்.ஜோசப் மகா வித்தியாலயம் பெண்களிற்கான மாவட்ட மட்டத்திலான உதைபந்தாட்டப் போட்டியில் முதலிடத்தினைப் பெற்றதன் மூலம் பாடசாலை வரலாற்றிலே பெரும் சாதனையை படைத்துள்ளது. இன்று யாழ். மத்திய கல்லூரி மைதானத்தில் நடைபெற்ற 19 வயதிற்குட்பட்ட பெண்களிற்கான பாடசாலைகளிற்கிடையிலான மாவட்ட மட்ட உதைபந்தாட்டத்தின் இறுதிப் போட்டியில் கரவெட்டி விக்னேஸ்வரா வித்தியாலயத்தை 1-0 என்ற கோல் கணக்கில் வெற்றி கொண்டது. இந்த வருடத்திலே முதன்முதலாக களமிறங்கிய இவ் வீராங்கனைகளின் சாதனை பாராட்டப்பட வேண்டிய விடயமாகும்.

இதேவேளை இன்று யாழ்.மல்லாகம் மகா வித்தியாலய மைதானத்தில் நடைபெற்ற 19 வயதிற்குட்பட்ட ஆண்களிற்கான பாடசாலைகளிற்கிடையிலான மாவட்ட மட்ட கரப்பந்தாட்டப் போட்டியில் சண்டிலிப்பாய் இந்துக் கல்லூரியை வெற்றி கொண்டு மூன்றாம் இடத்தினை பெற்றுள்ளனர்.